مەودا میدیا-

وه‌زاره‌تی سامانه‌ سروشتییه‌كانی حکومەتی هەرێمی کوردستان راگه‌یاندراوێكی له‌باره‌ی دابه‌شكردنی نه‌وتی سپی بێ به‌رانبه‌ر به‌ خێزانه‌ كه‌مده‌رامه‌ته‌كان بڵاوكرده‌وه‌.

لە راگەیەندراوەکەی وەزارەتی سامانە سروشتییەکاندا هاتووە "دوای گەیشتنی 60 تەنكەر بەبڕی 2 ملیۆن لیتر نەوتی سپی بەبێ بەرانبەر لەلایەن حكومەتی عیراقی فیدراڵەوە وەزارەتی سامانە سروشتییەكان 20 تەنكەری رەوانەی كۆگاكانی نەوت و كانزاكانی پارێزگای هەولێر و  ئیدارەی سۆران و  30 تەنكەری رەوانەی پارێزگاكانی سلێمانی و هەڵەبجە و هەردوو ئیدارەی گەرمیان و راپەرین و  10 تەنكەر بۆ پارێزگای دهۆك و ئیدارەی زاخۆ كراون، بەپێی لیستی ئامادەكراو بۆ خێزانە هەژار و كەم دەرامەتەكان كە لەرێگەی  پارێزگا و ئیدارە سەربەخۆكانەوە بۆ بەڕێوەبەرایەتیی نەوت و كانزاكان رەوانە كراوە دابەشدەکرێت".

ئاماژە بەوەکراوە "رێكەوتی 1ی شوباتی 2023 بە بڕی 100 لیتر نەوتی سپی بۆ هەر خێزانێكی هەژارو كەم دەرامەت دەستكراوە بە دابەشكردنی".

س.ر