مەودا میدیا-

بەڕێوەبەرایەتیی پۆلیسی پارێزگای سلێمانی دەستگیرکردنی پێنج تۆمەتباری راگەیاند بە تۆمەتی تەقەکردن و هەڕەشەکردن لە هاوڵاتییەک.

لە راگەیەندراوێکدا بەڕێوەبەرایەتیی پۆلیسی سلێمانی رایگەیاند "‌دوابەدوای ئەوەی هاوڵاتییەک لە بنكه‌ی‌ پۆلیسی‌ کوردسات سکاڵای تۆمارکرد کە لەلایەن چەند کەسێکەوە تەقە لە دوکانەکەی کراوە و هەڕەشەی لێکراوە، دەستبەجێ هێزه‌كانی‌ پۆلیس لێكۆڵینه‌وه ‌و به‌دواداچوونه‌كانییان بۆ دۆزینه‌وه‌ و ده‌ستگیركردنی‌ تۆمه‌تباران ده‌ستپێكرد".

ئاماژە بەوەکراوە "دوای‌ وه‌رگرتنی‌ بڕیاری‌ دادوه‌ر و گەڕان و بەدواداچونێكی چەند رۆژە توانرا هەر پێنج تۆمه‌تبارەكە له‌لایه‌ن مه‌فره‌زه‌كانی‌ بنكه‌ی‌ پۆلیسی‌ كوردساته‌وه‌ بدۆزرێنەوە و ده‌ستگیربكرێن".

پۆلیسی سلێمانی ئەوەشی خستەڕوو "تۆمەتباران لەبەردەم دادوەر دانیان بە تاوانەکەیاندا ناوە و به‌ بڕیاری‌ دادوه‌ر راگیراون ‌و له‌لایه‌ن بنكه‌ی‌ پۆلیسی‌ كوردساته‌وه‌ په‌ڕاوی‌ لێكۆڵینه‌وه‌یان بۆ كراوته‌وه ‌و لێكۆڵینه‌وه‌كان به‌رده‌وامه‌".

س.ر