مەودا میدیا-

وەزارەتی کارەبای هەرێمی کوردستان بڵاویکردووەتەوە کە بەڕێوەبەرایەتى دابەشکردنى کارەباى دوکان پێویستی بە چەند کارمەندێکە لە پسپۆڕییە جیاجیاکان.

لە راگەیەندراوێکدا بەڕێوەبەرایەتی گشتیی کارەبای دوکان رایگەیاند "پێویستییان بە ژمارەیەک کارمەندی تەکنیکى، ژمێریار و ئاى تى هەیە بۆ کارکردن بەشێوەی رۆژانە، بۆیە هەر کەسێک ئارەزووی کارکردنی هەیە لە فەرمانگەی کارەبای بازیان و خەلەکان دەتوانێت فۆڕم پڕبکاتەوە".

باسی لەوەشکردووە "پێویستییان بە چەند کارمەندێکی تەکنیکى و ژمێریار و ئاى تى هەیە بۆ فەرمانگەى کارەباى بازیان و یەک شۆفێریش بۆ هۆبەى چاکسازیی کارەباى خەلەکان".

ئەمە لەکاتێکدایە ئەو کەسانەی ئارەزوومەندن بە کارکردن، دەبێت تاوەکو رۆژی 9-2-2023 فۆڕمە ئۆنلاینەکە پڕبکەنەوە.

بۆ پڕکردنەوەی فۆڕمەکە کلیک لێرە بکە.

س.ر