مەودا میدیا-

بڕیارە سبەینێ دووشەممە ئەنجومەنی سەركردایەتی یەكێتیی نیشتمانیی كوردستان كۆببێتەوە  و لە كۆبوونەوەكەشدا كارگێڕەكانی مەكتەبی سیاسی یەكلادەكاتەوە.

فەرید ئەسەسەرد، سكرتێری ئەنجومەنی سەركردایەتی یەكێتیی نیشتمانیی كوردستان بە مەودا میدیای راگەیاند "بڕیار هەیە سبەینێ دووشەممە 9ی ئادار ئەنجومەنی سەركردایەتی بۆ هەڵبژاردن و دیاریكردنی كارگێڕەكانی مەكتەبی سیاسی كۆببێتەوە".

ئەوەشی خستەڕوو "خۆ ئەگەر كۆبوونەوەكەش نەكرێت ئاساییە، گرنگ كۆبوونەوەكانی سەركردایەتی بۆ یەكلاكردنەوەی پۆستەكان بەردەوام هەیە تا ئەو كاتەی تەواوی پۆستەكان دیاری دەكرێن".

هەفتەی پێشوو ئەنجومەنی سەركردایەتی یەكێتیی نیشتمانیی كوردستان پۆستی بەرپرس مەڵبەندەكانی خۆی لە ناوچە جیاجیاكان یەكلاكردەوە.