مەودا میدیا-

بەڕێوەبەرایەتیی هاتوچۆی سلێمانی ئاگاداری شۆفێران دەکاتەوە کە به‌شێكی شه‌قامی (قوله‌ره‌یسی - سه‌رچنار) هەڵکەندراوە و کاری تێدا دەکرێت لەلایەن تیمەکانی بەڕێوەبەرایەتیی ئاوی سلێمانییەوە.

ئەمڕۆ یەکشەممە 5ی شوباتی 2023 به‌ڕێوه‌به‌رایه‌تیی هاتوچۆی پارێزگای سلێمانی رایگەیاند "هاتوچۆی سلێمانی ئاگاداری شۆفێران ده‌كاته‌وه‌، به‌هۆی كاركردنی تیمه‌كانی به‌ڕێوه‌به‌رایه‌تیی ئاوی سلێمانی‌ و هه‌ڵكه‌ندنی به‌شێكی شه‌قامی (قوله‌ره‌یسی -سه‌رچنار) لۆد‌ و قه‌ره‌باڵغی دروستبووه‌".

ئاماژە بەوەکراوە "داوا له‌شۆفێران ده‌كه‌ین به‌وریاییه‌وه‌ شۆفێری بكه‌ن‌ و بۆ كاری زۆر پێویست نه‌بێت، له‌و شه‌قامه‌ سه‌ره‌كییه‌وه‌ شۆفێری نه‌كه‌ن".

س،ر