مەودا میدیا-

لەلایەن بەرپرسانی بازرگانی هەرێمەوە پێشنیازی ئەوەکراوە بۆ پاڵپشتیکردنی هاوڵاتییانی هەژار و کەمدەرامەت، بازرگانان ماددە خۆراکییەکان بە نرخی هەرزانتر لەبازاڕدا بفرۆشن و هەروەها داوای ئەوە دەکرێت بۆ ئاڵوگۆڕو کڕین و فرۆشتنی خانووبەرە و ئۆتۆمبێل  لەبری دۆلار دینار لە هاوڵاتییان وەربگیرێت.

بەهۆی بەرزی و نزمی نرخی دۆلار بەرامبەر دیناری عیراقی ناجێگیرییەک بەبازاڕی هەموو شتێکەوە دیارە و خەڵک بەردەوام لە قەلەقی و ناسەقامگیریدان. هەر بۆیە نه‌وزاد شێخ كامل، به‌ڕێوه‌به‌ری گشتی بازرگانی له‌ وه‌زاره‌تی بازرگانی و پیشه‌سازیی حكومه‌تی هه‌رێمی كوردستان رایگەیاند، پێشنیازیانكردووه‌ له‌ مامه‌ڵه‌كانی قه‌رز، ئاڵوگۆڕی ئۆتۆمبێل و كڕینی خانوودا له‌بری دۆلار بە دینار بکرێت، كه‌ ئه‌مه‌ش كاریگه‌ری له‌سه‌ر دابه‌زینی به‌های دۆلار ده‌بێت به‌هۆی زیادكردنی جوڵه‌ی دینار له‌ بازاڕدا.

سەبارەت بەچاودێکریکردنی ناوبازاڕ و کاڵا و شتومەک راشیگەیاند، چاودێریەکانی ئەوان بەردەوامە لەسەر بازاڕ بۆ ئەوەی نرخەکان لەسەر خەڵک زۆر نەبێت و بتوانن کۆنترۆڵی بکەن.

 

ژ.م