مەودا میدیا-

پۆلیسی سلێمانی رایگەیاند، مەفرەزەكانی‌ بنكەی‌ پۆلیسی‌ بەكرەجۆ بەهاوكاری‌ بنكەی‌ پۆلیسی‌ تەكیە چوار تۆمەتباریان دەستگیركرد كە فێڵیان لەژمارەیەك هاوڵاتی‌ كردبوو.

دوای‌ ئەوەی‌ چوار تۆمەتبار بەفێڵ بڕی‌ 4 ملیۆن‌ و 500 هەزار دینار لەمامۆستای‌ مزگەوتی‌ گوندی‌ جێشانە وەردەگرن بەبیانووی‌ ئەوەی‌ بەنرخی كەمتر لەبازاڕ نەوتی‌ سپیان بۆ دابین دەكەن، بەڵام دواتر دەردەكەوێت كە ئەو كەسانە فێڵیان لەدانیشتوانی‌ گوندەكە كردوە و هیچ بڕە نەوتێكیان بۆ دابین نەكردون، بەو هۆیەوە دانیشتووانی‌ گوندەكە سكاڵای‌ یاسایی لەسەر تۆمەتبارەكان تۆمار دەكەن.

هێزەكانی‌ پۆلیس لێكۆڵینەوە و بەدواداچونیان بۆ دۆزینەوەو دەستگیركردنی‌ تۆمەتباران دەستپێكرد وتوانرا تۆمەتباران بدۆزرێنەوە و لەلایەن مەفرەزەكانی‌ بنكەی‌ پۆلیسی‌ بەكرەجۆ بەهاوكاری‌ بنكەی‌ پۆلیسی‌ تەكیە دەستگیربكرێن.

لەئێستادا تۆمەتباران :

‌أ، ر، س

ع،ع، ف

أ،ع،ف

ف،س،أ

كە سەرجەمیان بەناسنامە كوردن بەبڕیاری بەڕێز دادوەرو بەپێی ماددەی  456 لەیاسای سزادانی عیراقی ڕاگیراون و لێكۆڵینەوەكان لەگەڵیاندا بەردەوامە.

 
ژ.م