مەودا میدیا -
 
 شارەزایەکی بواری کەشناسی عیراق رایدەگەیەنێت کە پێشبینی دەکات لە رۆژانی داهاتوودا شەپۆلێکی سەرما روو لە باکوری عیراق و سلێمانی بگرێتەوە و پلەکانی گەرما بۆ حەوت پلەی ژێر سفر دابەزن.

 

شارەزایەکی کەشناسی عیراق بەناوی سادق عەتییە رایگەیاند "وا پێشبینی دەکرێت کۆتایی ئەم هەفتەیە و بە دیاری کراوی لە رۆژی هەینییەوە پلەکانی گەرما زۆر نزم ببنەوە بەهۆی ئەو شەپۆلە سەرما بەهێزەی کە رۆژئاوا و باکوری رۆژهەڵاتی عیراق و پارێزگای سلێمانی دەگرێتەوە و پلەکان بۆ خوار سفر داببەزن ".

 

لە راگەیەندراوەکەدا ئەوەش خراوەتەروو " لە هەینی داهاتوودا بەپێی پێشبینییەکانی کەشناسی شاری سلێمانی پشکی شێری بەردەکەوێت و پلەکانی گەرما لەم شارە بۆ خوار حەوت پلە دادەبەزن بە تایبەتی لە کاتەکانی شەودا، هەروەها لە پارێزگاکانی ناوەڕاست و باشووری عیراقیش پلەکان لە سفر نزیکدەبنەوە ".

ڕ.ع