مەودا میدیا-

پۆلیسی سلێمانی رایگەیاند، مه‌فره‌زه‌كانی‌ بنكه‌ی‌ پۆلیسی‌ به‌ختیاری‌ تۆمه‌تبارێكیان ده‌ستگیركردووە كه‌ به‌فێڵ‌ و به‌ بیانوی‌ ئه‌نجامدانی‌ پرۆسه‌ی‌ هاوسه‌رگیریی‌ له‌گه‌ڵیدا، بڕێك پاره‌ی‌ له‌كچێك سه‌ندووه‌.

دوای‌ ئه‌وه‌ی‌ كچێك له‌بنكه‌ی‌ پۆلیسی‌ به‌ختیاری سكاڵای‌ یاسایی تۆماركردووە له‌سه‌ر كه‌سێك كه‌ له ‌تۆڕه‌كۆمه‌ڵایه‌تییه‌كان ناسیویه‌تی ‌‌و دوای‌ یه‌كتر بینین به‌ڵێنی‌ هاوسه‌رگیریی پێداوه‌ و به‌ فێڵ بڕی‌ هه‌زار دۆلاری‌ ئه‌مریكی‌ لێ سه‌ندووه‌، ده‌ستبه‌جێ هێزەكانی پۆلیس لێكۆڵینەوە و بە دواداچوونەكانیان بۆ دۆزینه‌وه‌ و ده‌ستگیركردنی‌ تۆمه‌تبار دەستپێكرد، پاش وه‌رگرتنی‌ بڕیاری‌ دادوه‌ر، مەفرەزەكانی بنكه‌ی‌ پۆلیسی‌ به‌ختیاری‌ توانیویانە تۆمه‌تبار بدۆزنه‌وه‌ و ده‌ستگیری‌ بكه‌ن.

هەروەها پۆلیسی سلێمانی راشیگەیاند، لە ئێستادا تۆمەتبار بە ناویی (د، د، م) له ‌دایكبووی‌ 1997 بە بڕیاری دادوەر ڕاگیراوه‌ و لێكۆڵینەوەكان لە گەڵیدا بەردەوامە.

 

ژ.م