مەودا میدیا - 
 
 بەڕێوەبەرایەتی پۆلیسی پارێزگای ھەولێر بەشی پۆلیسی ڕێککاری تۆمەتبارێکی بەڕەگەز ئێرانی دەستگیرکردووە کە بڕێکی زۆر دۆلاری ئەمریکی ساختەی پێبووە.
 
 ئەمڕۆ 17ی شوباتی 2023 پۆلیسی پارێزگای ھەولێر رایگەیاند " بەشی پۆلیسی ڕێککاری لە هەولێر تۆمەتبارێکیان دەستگیر کردووە کە بە رەگەز خەڵکی وڵاتی ئێرانە و دانیشتووی تورکیایە، لەکاتی دەستگیرکردنەکەدا دەرکەوتووە کە بڕی 12 هەزار دۆلاری ئەمریکی ساختەی پێبووە ".

 

ئەوەش خراوەتەڕوو "راستەوخۆ دەست بەسەر سەرجەم پارەکاندا گیراوە و پەڕاوی لێکۆڵینەوە ی بۆ کراوەتەوە، ەمەبەستی گرتنە ڕێککاری یاسایی ڕەوانەی دادگای لێکۆڵینەوەی هەولێر کراوە ".

ڕ.ع