مەودا میدیا-

ئەنجومەنی دادوەری هەرێمی کوردستان بەمەبەستی رووبەڕووبوونەوەی ڤایرۆسی کۆرۆنا لەبارەی دەوامی دادگاکان بڕیاریدا و لە ئەمڕۆشەوە بڕیارەکە جێبەجێ دەکرێت.

بەپێی نوسراوێکی ئەنجومەنی دادوەری هەرێمی کوردستان کە تایبەتە بە دوامی دادگاکان کە تێیدا هاتووە "لەپاش بڵاوبوونەوەی ڤایرۆسی کۆرۆنا بەمەبەستی پاراستنی سەلامەتی گیانی هاوڵاتیان دادوەران و فەرمانبەرانی دادگاکان لە گرتنەوەی ئەو نەخۆشییە کوشندەیە و بۆ ئەوەی قەرەباڵغی دادگاکان کەمبکرێتەوە بڕیارماندا مامەڵەکان لە دادگای بەرایی و باری کەسی جگە لە داوایەکان رابگرین، هەروەها مامەڵەکانی تایبەت بە ونبوون لە دادگاکانی لێکۆڵینەوە دەبینرێن".

  لە نوسراوەکەی  ئەنجومەنی دادوەری هەرێمی کوردستان ئاماژە بەوەشکراوە "ئەو بڕیارە کاری پێدەکرێت لە رۆژی دەرچوونیەوە تاوەکو 1ی نیسانی 2020".