مەودا میدیا -

 

لە سەید سادق بەهۆی دروستبوونی شەڕەوە لەسەر سەرەی وەرگرتنی نەوت شەڕ دروستبوو و پێنج کەس بریندار بوون.

 

ئەمڕۆ یەکشەممە 19ی شوباتی 2023 لە سەرەی وەرگرتنی نەوتدا لە شارۆچکەی سەیدسادق و گەڕەکی بەرکێو شەڕ لە نێوان هاوڵاتییانی ناوچەکە دروست دەبێت، لە شەڕەکەدا بۆکس و بەرد بەکارهاتووە و وا پێشبینی دەکرێت ژمارەی برینداران بەرزببێتەوە.

ئەمە لە کاتێکدایە هاوڵاتییانی هەرێمی کوردستان دوای هاتنی زستان نەوتییان وەرنەگرتووە و نیگەرانن لەم بارودۆخەی ئێستا.

ڕ.ع