مەودا میدیا-

بەڕێوەبەرایەتیی ئاسایشی گەرمیان سزادانی پێنج تۆمەتباری راگەیاند بە تۆمەتی بەکارهێنان و بازرگانیکردن بە مادەی هۆشبەر کە لە چەند مانگی رابردوودا دەستگیرکراون.

ئەمڕۆ چوارشەممە 22ی شوباتی 2023 ئاسایشی گەرمیان رایگەیاند "پاش ئەوەی لە چەند مانگی ڕابردوودا توانرا لە لایەن هێزەکانی بەرێوەبەرایەتی ئاسایشی گەرمیانەوە بە تۆمەتی بە كارهێنان و بازرگانی كردن بە مادەی هۆشبەر (5) پێنج تۆمەتبار دەستگیربکرێن و پاش ئەوەی دۆسیەکەیان خرایە بەردەم بەرێز دادوەری لێکۆڵینەوەو هەروەها پاش چەندین دانیشتنی دادگا و خستنەڕووی تەواوی بەڵگەکان و دانپیادانانی تاوانباران بە تاوانەکانیاندا کە لە خوارەوە ئاماژەیان پێ دراوە  سەرەنجام  بەم شێوەیە سزادران".

ناوی سزادراوان:

1/ گ ا م لە دایكبووی 1986 بە تۆمەتی بەكارهێنانی مادەی هۆشبەر لە ڕێكەوتی 25/11/2022 لەلایەن هێزەكانی یاریدەدەرێتی ئاسایشی كەلار  دەستگیركراوە لە لایەن سەرۆكایەتی دادگای تاوانەكانی كەركوك/گەرمیان (دادگای كەتنی كەلار) ڕێكەوتی 21/2/2023 بە پێی مادەی (30)لە یاسای ژمارە (1)یەك ساڵی 2020 تایبەت بە مادە هۆشبەرەكان بۆ ماوەی (3) ساڵ زیندانی سزادرا.

2/ ع ع م لە دایكبووی 1988 بە تۆمەتی بەكارهێنانی مادەی هۆشبەر لە ڕێكەوتی 18/12/2022 لەلایەن هێزەكانی یاریدەدەرێتی ئاسایشی كەلار  دەستگیركراوە لە لایەن سەرۆكایەتی دادگای تاوانەكانی كەركوك/گەرمیان ڕێكەوتی 13/2/2023 بە پێی مادەی (26)لە یاسای ژمارە (1)یەك ساڵی 2020 تایبەت بە مادە هۆشبەرەكان بۆ ماوەی (3) ساڵ زیندانی كردن سزادرا.

3/ ص ع م بسامی لە دایكبووی 1990 بە تۆمەتی بەكارهێنانی مادەی هۆشبەر لە ڕێكەوتی 1/12/2022 لەلایەن هێزەكانی یاریدەدەرێتی ئاسایشی كەلار  دەستگیركراوە لە لایەن سەرۆكایەتی دادگای تاوانەكانی كەركوك/گەرمیان (دادگای كەتنی كەلار) ڕێكەوتی 1/2/2023 بە پێی مادەی (30)لە یاسای ژمارە (1)یەك ساڵی 2020 تایبەت بە مادە هۆشبەرەكان بۆ ماوەی (1) ساڵ زیندانی كردن و پێ بژاردنی (غەرامە) بە بڕی (5000000) پێنج ملیۆن دینار عێراقی سزادرا لە كاتی نەدانی پارەی سزاكەی (یەك ساڵ)بەند بكرێت.

4/ د م ط عزیز لە دایكبووی 1990 بە تۆمەتی بەكارهێنانی مادەی هۆشبەر لە ڕێكەوتی 13/12/2022 لە لایەن هێزەكانی یاریدەدەرێتی ئاسایشی كەلار دەستگیركراوە لە لایەن سەرۆكایەتی دادگای تاوانەكانی كەركوك/گەرمیان (دادگای كەتنی كەلار) ڕێكەوتی 2/1/2023 بە پێی مادەی (30)لە یاسای ژمارە (1)یەك ساڵی 2020 تایبەت بە مادە هۆشبەرەكان بۆ ماوەی (1) ساڵ زیندانی كردن و پێ بژاردنی (غەرامە) بە بڕی (5000000) پێنج ملیۆن دینار عێراقی سزادرا لە كاتی نەدانی پارەی سزاكەی (1) یەك ساڵ بەند بكرێت.

5/ م ش ص لە دایكبووی 2005 بە تۆمەتی بەكارهێنانی مادەی هۆشبەر لە ڕێكەوتی 31/1/2023 لەلایەن هێزەكانی یاریدەدەرێتی ئاسایشی كەلار  دەستگیركراوە لە لایەن سەرۆكایەتی دادگای تاوانەكانی كەركوك/گەرمیان(دادگای كەتنی كەلار) ڕێكەوتی 31/1/2023 بە پێی مادەی (30)لە یاسای ژمارە (1)یەك ساڵی 2020 تایبەت بە مادە هۆشبەرەكان بۆ ماوەی (6)شەش مانگ زیندانی كردن سزادرا.

س،ر