مەودا میدیا -

 

ئاسایشی گەرمیان رایدەگەیەنێت لە دوای کۆکردنەوەی زانیاری ورد لەلایەن هێزەکانمانەوە، ئاسایشی دەربەندیخان توانیویانە دەستبەجێ دوو کەس دەستگیر بکەن و دەستیش بەسەر 213 دەمانچەدا بگرن.

 

ئەمڕۆ چوارشەممە 22ی شوباتی 2023 ئاسایشی گەرمیان رایگەیاند "دوای کۆکردنەوەی زانیاری تەواو و ورد لەسەر باندێک کە مەبەستیانبووە بە شێوەی قاچاخ چەندین دەمانچە رەوانەی دەرەوەی هەرێمی کوردستان بکەن، لە ماوەیەکی کەمدا هێزەکانی ئاسایشی دەربەندیخان توانییان دوو کەس دەستگیر بکەن و دەستیش بەسەر 213 دەمانچەدا بگرن".

 

ئەوەشی خستەڕوو "کاری قاچاخچییەکان گواستنەوەی چەک و تەقەمەنی بووە بە شێوەیەکی نایاسایی بۆ دەرەوەی هەرێمی کوردستان، لە دوای دەستگیرکردنیان بە بڕیاری دادوەر راگیراون".

ڕ.ع