مەودا میدیا -

 

شاندی هەرێمی کوردستان لە بەغدا لەگەڵ محەممەد شیاع سوودانی، سەرۆک وەزیرانی عیراق کۆبوونەتەوە و رێککەوتنێکی سەرەتاییمان کردووە لەسەر پرۆژە یاسای بودجە.

 

ئەمڕۆ 26ی شوباتی 2023 ئومێد سەباح، سەرۆکی دیوانی ئەنجوومەنی وەزیرانی هەرێمی کوردستان رایگەیاند " لە کۆبوونەوەی شاندی هەرێمی کوردستان لەگەڵ بەغدا، گەیشتووینەتە رێککەوتنی سەرەتایی لەسەر پڕۆژە یاسای بودجەی ساڵی 2023، تاوتوێی پشکی هەرێمی کوردستان کراوە".

 

باس لەوەش دەکات "بابەتە هەڵپەسێردراوەکانی نێوان هەرێم و بەغدا بە وردی گفتوگۆیان لەسەر کراوە و گەیشتوونەتە (رێککەوتنێکی سەرەتایی) لەسەر پڕۆژە یاسای بودجەی ساڵی 2023".

 

ئەم سەردانەی شاندی حکومەتی هەرێم بۆ بەغدا،  دووەمین سەردانە و هەمان شاند لە رۆژی 11ی شوباتی ئەم مانگە بۆ چەند کۆبوونەوەیەکی دیکە لەگەڵ بەرپرسە عیراقییەکان کۆبوونەوە.