مەودا میدیا-

بەڕێوەبەرایەتیی پۆلیسی سلێمانی دەستگیرکردنی تۆمەتبارێکی راگەیاند بە تۆمەتی تەقەکردن لە مەفرەزەیەکی پۆلیسی دارستان، هەروەها دەستیش بەسەر چەکێک و چەند کەلوپەلێکی دیکەدا گیرا.

ئەمڕۆ دووشەممە 27ی شوباتی 2022 بەڕێوەبەرایەتیی پۆلیسی سلێمانی رایگەیاند "دوای‌ ئه‌وه‌ی‌ تۆمه‌تبارێك ته‌قه‌ له‌ مه‌فره‌زه‌یه‌كی‌ پۆلیسی‌ دارستان ده‌كات، ده‌ستبه‌جێ هێزەكانی پۆلیس لێكۆڵینەوەكانیان دەستپێكرد و پاش وه‌رگرتنی‌ بڕیاری‌ دادوه‌ر، توانرا تۆمه‌تبار له ‌لایه‌ن مه‌فره‌زه‌كانی‌ بنكه‌ی‌ پۆلیسی‌ به‌رزنجه‌وه‌ ده‌ستگیربكرێت و ده‌ستبگیرێت به‌سه‌ر چه‌كێك له ‌جۆری‌ ده‌مانچه‌ و بڕێك فیشه‌ك ‌و چه‌ند كه‌لوپه‌لێكی‌ دیکەدا".

ئاماژە بەوەکراوە "تۆمه‌تبارەکە ناوی (هـ، ت، م)ە له‌ دایكبووی‌ 1993 یە لە ئێستادا به ‌پێی‌ ماده‌ی‌ 365 له ‌یاسای‌ سزادان راگیراوه ‌و لێكۆڵینەوەكان لەگەڵیدا بەردەوامە".

ئەوەشخراوەتەڕوو "تۆمه‌تباری‌ ناوبراو چه‌ند فه‌رمانێكی‌ دیكه‌ی‌ ده‌ستگیركردنی‌ هه‌یه ‌و داواكراوه‌ له‌لایه‌ن دادگاوه‌ بەپێی‌ ماده‌كانی‌ 446 و 22ی‌ دارستان‌ و 2ی‌ خراپ به‌كارهێنانی‌ ئامێره‌كانی‌ په‌یوه‌ندیكردن".

س.ر