مەودا میدیا-

دەزگای هەوالگیری تورکیا - میت رفاندنی ئەندامێکی پارتی کرێکارانی کوردستانی "پەکەکە"ی راگەیاند لە سلێمانییەوە بۆ تورکیا.

ئاژانسی ئەنادوڵی تورکیا رایگەیاند "دەزگای هەواڵگری تورکیا ناسراو بە (میت) ئەندامێکی پەکەکە بە ناوی (رەمەزان گونەش) لە سلێمانییەوە دەرفێنێت بۆ تورکیا".

وەک ئاژانسەکە ئاماژەی پێکردووە "رەمەزان گونەش دەستی لە کوشتنی 60 ئەندامی هێزە ئەمنییەکانی تورکیادا هەبووە و لە 12 کردەوەی تیرۆریستی بەشداربووە"، بەڵام نازانرێت بەچ شێوازێک رفێندراوە، چونکە ئاژانسی ئەنادۆڵو ئاماژەی پێنەکردووە.

رەمەزان گونەش لە 2008 پەیوەندی بە پەکەکەوە کردووە نازناوی "شۆڕشگێڕی" هەبووە لەناو پەکەکەدا، هەروەها لە هەرێمی کوردستان و سووریا بەشداری لە چالاکییەکانی پەکەکەدا کردووە.

س،ر