مەودا میدیا -

 

لە راگەیەندراوێکی وەزارەتی پەروەردەدا هاتووە کە ئەمساڵ بەهۆی ئەوەی رۆژی جلوبەرگی نەتەوەیی دەکەوێتە هەینییەوە، چالاکییەکانی تایبەت بەم رۆژە پێشدەخرێت و دەخرێتە رۆژی پێنجشەممەوە.

 

بەپێی گشتاندنێک لە وەزارەتی پەروەردەی هەرێمەوە کە ئاراستەی سەرجەم بەڕێوەبەرایەتیی گشتیی پەروەردەکانی (هەولێر، سلێمانی، دهۆك، هەڵەبجە، زاخۆ، راپەڕین و سۆران) کراوە، تێیدا هاتووە "بۆ ئەمساڵ چالاکییەکانی رۆژی جلی کوردی پێشەکەوێت، بەو هۆیەی رۆژی جلی کوردی دەکەوێتە رۆژی 10ی ئازاری 2023وە و رۆژی هەینییە، سەرجەم چالاکییەکان پێشخراون و رۆژی پێنجشەممە کە دەکاتە رۆژی 9ی ئازاری 2023 ئەنجامدەدرێن ".

ئەمە لە کاتێکدایە ساڵانە رۆژی جلوبەرگی کوردی بەرز دەنرخێندرێت و لە گشت قوتابخانەکانی هەرێم چالاکی و کۆڕی تایبەت بەم رۆژە رێکدەخرێت و ئەمساڵیش بەهۆی ئەوەی دەکەوێتە رۆژی هەینییەوە بڕیاردراوە کە رۆژێک پێشبخرێت.

ر.ع