مەودا میدیا -

 

پۆلیسی سلێمانی رایدەگەیەنێت کە مەفرەزەکانی نوسینگەی نەھێشتنی تاوانی کوردسات باندێکی پێنج کەسییان دەستگیرکردووە کە کاری ساختەکاری و بازرگانی کردنیان کردووە

 

ئەمڕۆ هەینی 3ی ئازاری 2023 پۆلیسی سلێمانی رایگەیاند " مەفرەزەکانی نوسینگەی نەھێشتنی تاوانی کوردسات، ڕۆژھەڵات و نەھێشتنی تاوانی ساختەکاریی توانیویانە باندێکی پێنج کەسی دەستگیر بکەن کە کاری ساختەەکاری و بازرگانییان بە چەکەوە کردووە ".

 

ئەوەشی خستەڕوو "دوای کۆکردنەوەی زانیاری پێویست لەسەر ژمارەیەک تۆمەتبار کە لە شێوەی بانددان و پاسپۆرت و پێناس و چەندین بەڵگەنامە ساختەدەکەن و بازرگانیش بە چەکەوە دەکەن، لە چالاکییەکی هاوبەشدا مەفرەزەکانی نوسینگەکانی نەھێشتنی تاوانی کوردسات و ڕۆژھەڵات و نەھێشتنی ساختەکاریی توانییان هەر پێنج تۆمەتبارەکە لەکاتی ئەنجامدانی ساختەکاری و مامەڵەی کڕین و فرۆشتنی چەکدا دەستگیربکەن ".

ر.ع