مەودا میدیا -

 

لە قەزای بەردەڕەش هاوڵاتییەک دوای ئەوەی دەرزییەک لە نۆرینگەیەک وەردەگرێت دەستبەجێ گیان لەدەست دەدات و لە ئێستاشدا تەرمەکەی گەیەندراوەتە پزیشکی دادی دهۆک.

 

ئەمڕۆ پێنجشەممە 9ی ئازاری 2023 عەمید سەعدی ئەحمەد، بەرێوەبەری پۆلیسی بەردەڕەش راگەیاند  "ئەو هاوڵاتییەی گیانی لەدەستداوە، دەرزییەکی لە جۆری ئەمۆکسیلین لەگەڵ خۆی بردووەتە نۆرینگەکە و داوای کردووە بۆی لێبدەن، بەڵام راستەوخۆ دوای لێدانی دەرزییەکە دۆخی تەندروستی تێکدەچێت و گیان لەدەستدەدات ".

 

ئیسماعیل محەمەد، کوڕی کۆچکردووەکە رایگەیاند "باوکم تەنها کەمێک هەناسەی تەنگبووە، دوای نان خواردنی نیوەڕۆ خۆی ئامادە کردووە بچێتە پرسە، بەڵام دەرزییەکی هەبووە و بۆ ئەو مەبەستە چووەتە نۆرینگە و دوای لێدانی بارودۆخی تەندروستیی تێکچووە و دوای ئەوە گەیەندراوەتە بنکەی تەندروستی بەردەڕەش و لەوێشەوە گواستراوەتەوە بۆ نەخۆشخانەی فریاکەوتنی ئاکرێ بەڵام پێش گەیەشتنی بۆ
نەخۆشخانە گیانی لەدەست داوە. ".

 

بەڕێوەبەری پۆلیسی بەردەڕەش ئەوەی خستەڕوو "ئەو کەسەر دەرزییەکەی داوە لەو هاوڵاتییە ئێستا دەستگیرکراوە و پەڕاوی لێکۆڵینەوە بۆ کەیسەکە رێکخراوە ".

 

ر.ع