مەودا میدیا -

 

بەڕێوەبەرایەتی هاتوچۆی دەربەندیخان رایدەگەیەنێت لە رووداوێکی هاتوچۆدا لەسەر رێگای دەربەندیخان – کەلار کەسێک گیانی لەدەستدا و دوو کەسی دیکەش برینداربوون کە سەرجەمیان ئەندامی یەک خێزان بوون.

 

ئەمڕۆ 11ی ئازاری 2023 بەڕێوەبەرایەتی هاتوچۆی دەربەندیخان رایگەیاند "دوای نیوەڕۆی ئەمڕۆ ئۆتۆمبێلێکی خۆری جیلی لەسەر رێگای دەربەندیخان – کەلار وەرگەڕا و شۆفێری ئۆتۆمبێلەکە گیانی لەدەستدا و دوو سەرنشینی دیکەی ئۆتۆمبێلەکەش کە یەکیان ژن و ئەوی دیکەیان منداڵی شۆفێرەکە بوون برینداربوون ".

 

ئەمە لە کاتێکدایە رووداوەکانی هاتوچۆ بەیەکێک لە سەرەکیترین هۆکارەکانی مردن لە هەرێمی کوردستان و شارەزایانی هاتوچۆش هۆکارەکانی بۆ پابەند نەبوونی شۆفێران و خراپی رێگا و بانەکان دەگەڕێننەوە.

ر.ع