کوردستانی
پۆلیسی سلێمانی: سێ کەس لەسەر تەشهیرکردن دەستگیرکران
مەودا میدیا - سلێمانی |

مەودا میدیا -
بەڕێوەبەرایەتی پۆلیسی سلێمانی رایدەگەیەنێت کە سێ کەسییان لەسەر تەشهیرکردن و ناوزڕاندن و سوکایەتیکردن بە چەند هاوڵاتییەک لە تۆڕەکۆمەڵایەتییەکان دەستگیرکردووە.
ئەمڕۆ 11ی ئازاری 2023 بەڕێوەبەرایەتی پۆلیسی سلێمانی رایگەیاند "دوای سکاڵای چەند هاوڵاتییەک لەسەر ئەوەی کە لە تۆڕەکۆمەڵایەتییەکان سوکایەتیی و تەشهیرییان پێکراوە، جەستبەجێ هێزەکانی پۆلیس بەدواداچوون و لێکۆڵینەوەیان دەستپێکرد بۆ دۆزینەوە و دەستگیرکردنی تۆمەتبارەکان، مەفرەزەکانی بکەی سەیدسادقی سەر بە بەشی پۆلیسی سەیدسادق توانیان تۆمەتباران بدۆزنەوە و دەستگیرییان بکەن ".
پۆلیسی سلێمانی ئەوەشی خستەڕوو "تۆمەتبارەکان بە ناوەکانی (ئـ، ئـ, ع - هـ، هـ، ش - ش، س، ع) دانیان بە تاوانەکانیاندا ناوە و لە ئێستەدا بە بڕیاری دادوەر و بە مادەی 2ی خراپ بەکارهێنانی ئامێرەکانی پەیوەندیکردن راگیراون و لێکۆڵینەوەکان بەردەوامە لەگەڵیاندا ".
ر.ع
بیروڕا



