مەودا میدیا -

 

وەزیری دارایی حکومەتی هەرێمی کوردستان رایدەگەیەنێت کە 400  ملیارەکەی کە هاتووە تەنها بۆ مووچە خەرج دەکرێت و خوازیاریشە پرۆژەیاسای بودجە بەزوویی لە پەرلەمانی عیراق پەسەند بکرێت.

 

ئەمڕۆ سێشەممە 14ی ئازاری 2023 ئاوات شێخ جەناب، وەزیری دارایی و ئابووری حکومەتی هەرێمی کوردستان لە کۆنگرەیەکی رۆژنامەنووسی رایگەیاند  "پشکی هەرێم لە بودجەی ساڵی 2023  بە %12.67 جێگیرکراوە تاوەکو لە مانگی 10ی ئەمساڵدا سەرژمێری دەکرێت، داواکاریشم پرۆژەیاسای بودجە بە زوویی لە ئەنجومەنی وەزیران پەسەند بکرێت ".

 

وەزیری دارایی ئەوەشی خستەڕوو "دووپاتی دەکەمەوە کە مووچەی هیچ مانگێک نافەوتێت و هەر 12 مانگەکە مووچەکانیان وەک خۆیان دابەشدەکرێت، ئەو 400 ملیارەشی کە لە بەغداوە هاتووە تەنها بۆ مووچەی فەرمانبەران خەرج دەکرێت ".

ر.ع