مەودا میدیا -

 

شارەزایەکی کەشناسی رایدەگەیەنێت بۆماوەی هەفتەیەک بارانبارین بەردەوام دەبێت و لە یەکشەممەی داهاتووشەوە شەپۆلەکە دەستپێدەکات.

 

ئەمڕۆ پێنجشەممە 16ی ئازاری 2023 ئاراس جەبار، شارەزای کەشناسی رایگەیاند "کەشی هەرێم بۆ سبەی هەینی واتە 17ی ئازار سەقامگیر دەبێت و ئاسمانی ناوچەکەش بەزۆری نیمچە هەور دەبێت، ئەگەری بارانبارین لە نیوەڕۆوە تاوەکو ئێوارە لە لە چەند ناوچەیەک دەبێت، پلەکانی گەرما بۆ سبەی بەراورد بەمڕۆ 4 تا 5 پلە بەرزتردەبێتەوە، خێرایی با لەنێوان 10 بۆ 20 کیلۆمەتر لە سەعاتێکدا دەبێت لە ئاراستەی باشووری رۆژئاواوە".

 

ئەو شارەزایەی کەشناسی باسی لەوەشکرد " لەبارەی کەشوهەوای هەفتەی داهاتوو و رۆژانی جەژنەوە، لە رۆژی یەکشەممە واتە 19ی ئازارەوە بارانبارین دەستپێدەکات و تا ماوەی زیاتر لە هەفتەیەک بەردەوامی دەبێت کە تاو تاو دەبێت و بەزۆری هەورە بروسکە و دابارینی باران لە کاتەکانی نیوەڕۆ تاوەکو ئێوارە دەبێت".

ر.ع