کوردستانی
وەزارەتی پێشمەرگە: پلەی زیاتر لە 7000 پێشمەرگە بەرزکرایەوە
مەودا میدیا - سلێمانی |
مەودا میدیا -
وەزارەتی پێشمەرگەی حکومەتی هەرێمی کوردستان رایدەگەیەنێت بڕیاردرا بە بەرزکردنەوەی پلەی 7455 پێشمەرگە و پلەداری سەر بە دیوان و لیواکانی پیادەی سەر بە وەزارەتی پێشمەرگە.
ئەمڕۆ پێنجشەممە 16ی ئازاری 2023 وەزارەتی پێشمەرگە رایگەیاند "بە فەرمانی ژمارەی (5830)ی وەزارەتی پێشمەرگە بڕیاردرا بە بەرزکردنەوەی پلەی حەوت هەزار و 455 پلەدار و پێشمەرگەی سەر بە دیوان و لیواکانی پیادەی سەر بە وەزارەتی پێشمەرگە لە خشتەی نەورۆزی 2023."
بڕیارەکەش پاڵپشت بە ماددەی چواردە لە سیستەمی ژمارە شەشی ساڵی 2011ی پەیڕەوی نیزامیی راژە و خانەنشینی پێشمەرگە تایبەت بە یاسای ژمارە (38)ی ساڵی 200، ئاماژە بە فەرمانی وەزارەتی پێشمەرگە دەرچووە، وەك ئەوەی وەزارەتەكە ئاماژەی پێداوە.
ئەمە لە کاتێکدایە پلەبەرزکردنەوە لە ریزەکانی پێشمەرگە و پلەی فەرمانبەرێتی مەدەنی ماوەی زیاتر لە حەوت ساڵە لە هەرێمی کوردستان راگیراوە و تاوەکو ئێستا جگە لەم بڕیارەی بەرزکردنەوەی پلەکانی پێشمەرگە، هیچ بڕیارێکی دیکە بۆ فەرمانبەران نەدراوە.
ر.ع
ر.ع