مەودا میدیا-

بەیانی ئەمڕۆ لەسەر رێگەی قەزای کەلار - رزگاری نزیک گەڕەکی کەلاری کۆن ئۆتۆمبێل لە ژنێک دەدات و دەستبەجێ گیانلەدەستدەدات و شۆفێری ئۆتۆمبێلەکەش دەستگیردەکرێت.

بەڕێوەبەرایەتیی پۆلیسی گەرمیان رایگەیاند "بەیانی ئەمڕۆ شەممە 18ی ئاداری 2023 لەسەر رێگەی کەلار - رزگاری نزیک گەڕەکی کەلاری کۆن ئۆتۆمبێلێک لە جۆری فلات لە ژنێک بەناوی (ئایشە محەمەد) لەدایکبووی 1955  دانیشتووی گەڕەکی کەلاری کۆنی قەزای کەلار و دەست بەجێ گیانی لەدەستدا".

ئاماژەی بەوەشکراوە "لەئێستادا بە مەبەستی توێکاری تەرمی ناوبراو رەوانەی پزیشکی دادوەری کەلار کراوە و شۆفێری ئۆتۆمبێلەکەش بە بڕیاری دادوەرو بەپێی مادەی 24ی هاتوچۆ بەندکراوە".

س.ر