مەودا میدیا-

هاوڵاتییەكی دیكەی شاری سلێمانی توشی نەخۆشی كۆرۆنا بوو، بەوەش ژمارەی توشبووان گەیشتنە 10 كەس.

وەزارەتی تەندروستی حكومەتی هەرێمی كوردستان بڵاویكردەوە "ئەو هاوڵاتییەی كە توشی كۆرۆنا بووە لە سلێمانی كچێكی تەمەن 19 ساڵە و كەسی یەكێك لەو هاوڵاتیانەیە كە لە چەند رۆژی رابردوو توشی كۆرۆنا بوون".

بەپێی دواین ئامارەكان ژمارەی توشبووان لە هەرێمی كوردستان بۆ 14 كەس بەرزبووەتەوە و زۆرترین لە سنوری پارێزگای سلێمانین و تائێستاش یەكێك لەتوشبووانە چاكبووەتەوە لە سلێمانی، یەكێكی تریش پێشتر وەزارەتی تەندروستی رایگەیاند بەهۆی ڤایرۆسەكەوە گیانی لە دەستداوە.