مەودا میدیا-

قائیمقامیەتی سلێمانی رایدەگەیەنێت لە دوو هەفتەی داهاتوو مەترسی نەخۆشی ڤایرۆسی كۆرۆنا تێدەپەڕێنین و دۆخەكە بەرەو باشبوون دەڕوات.

ئاوات محه‌مه‌د، قائیمقامی سلێمانی رایگەیاند "دوو هه‌فته‌ی داهاتو بۆ شاری سلێمانی هەستیار و یه‌كلاییكه‌ره‌وه‌ ده‌بێت بۆ تێپه‌ڕاندنی ئه‌و مه‌ترسییه‌ی به‌هۆی ڤایرۆسی كۆرۆناوە دروستبووە".

ئاماژەی بەوەشكرد " له‌شاری سلێمانی ئاماده‌كاری ته‌واو كراوه‌ بۆ خۆپارێزی له‌ ڤایرۆسه‌كه‌و هاوڵاتیانی شاری سلێمانی تائاستێكی بەرچاو هاوكاری تیمه‌كانی خۆپارێزی و حكومه‌ت ده‌كه‌ن".

ئەوەشی خستەڕوو "پێوسته‌ له‌ سیتی و یه‌كه‌كانی نیشته‌جێبونی كۆمه‌ڵگه‌كاندا به‌هه‌مان شێوه‌ی شوێنه‌كانی دیكه‌ی شاری سلێمانی ده‌رمانی خۆپارێزی زیاتر بڕشێنرێت و رێنماییه‌ چاپكراوه‌كان به‌سه‌ر دانیشتوان دابه‌شبكرێت بۆئه‌وه‌ی به‌ هه‌مو لایه‌كمانه‌وه‌ رووبه‌ڕووی ڤاپرۆسی كۆرۆنا‌ ببینه‌وه‌ و رێگری له‌ بڵاوبونه‌وه‌ی بكەین".