مەودا میدیا -

 

مەکتەبی سیاسیی یەکێتیی نیشتمانیی کوردستان بۆ کۆچی دوایی خاتوو فاتیمە قادر مەحمود پرسەنامەیەکی بڵاوکردەوە و رایدەگەیەنێت‏‎ خاتوو فاتیمە خاوەنی مێژوویەکی پڕ لەبەخشش و میهرەبانی بوو، ‏‎لەیەزدانی مەزن داواكارین کۆچکردوو بە بەهەشتی بەرین شاد بكات.

 

ئاماژەی بەوەشکرد "دڵگرانین بە کۆچی دوایی خاتوو (فاتیمە قادر مەحمود)، نموونەی  ژنی دڵسۆز و تێکۆشەری رێگای  رزگاری گەلەکەمان".

‏‎ئەوەشی خستەڕوو "خاتوو فاتیمە  لە نێو  رۆژگاری خەباتی  سەختی گەلەکەماندا خاوەنی مێژوویەکی پڕ لەبەخشش  و میهرەبانی بوو، لەیەزدانی مەزن  داواكارین کۆچکردوو  بە بەهەشتی بەرین شاد بكات و سەبووری بەگشت لایەك ببەخشێت".

ر.ع