مەودا میدیا -

 

بەڕێوەبەری گشتیی هاتوچۆی هەرێمی کوردستان رایدەگەیەنێت خاوەنی ئۆتۆمبێلەکانی جۆری تۆیۆتا کراون کە ناسراوە بە مەلیکە دەبێت تاوەکو کۆتایی مانگی داهاتوو سەردانی بەڕێوەبەرایەتیی هاتوچۆ بکەن.

 

ئەمڕۆ چوارشەممە 29ی ئازاری 2023 لیوا عەبدولقادر عەزیز، بەڕێوەبەری گشتیی هاتوچۆی هەرێمی كوردستان رایگەیاند "داوا لە سەرجەم ئەو شۆفێرانەی ئۆتۆمبێلی جۆری تۆیۆتا کراون (مەلیکە) دەکەین کە لە بەڕێوەبەرایەتییەکانی هاتوچۆ پشکنینیان بۆ کراوە، سەردانی سکانەری بەڕێوەبەرایەتیی گشتیی هاتوچۆی هەولێر بکەن".

 

ئەوەشی خستووەتەڕوو "ئۆفێرانی ئۆتۆمبێلی مەلیکە دەتوانن لە بەرواری 30ی ئازاری 2023 تاوەکو 30ی نیسانی 2023 سەردانی بەڕێوەبەرایەتییەکەمان بکات، بەپێچەوانەوە خۆی بەرپرسیار دەبێت".

ر.ع