مەودا میدیا- سازگار ئەحمەد

لەکۆبوونەوەی ئەمڕۆی ئەنجومەنی سەرکردایەتیی یەکێتیدا ئەندامانی دەستەی کارگێڕی مەکتەبی سیاسی و لێپرسراوی مەکتەبەکانی یەکێتی هەڵبژێردران ئەندامی ئەنجومەنی سەرکردایەتیی یەکێتیی نیشتیمانیی کوردستانیش دەڵێت "تەنها بۆردی مەکتەبەکانی یەکێتی ماوە کە هەڵبژاردنیان بۆ بکرێت".

رزگار حاجی حمە، ئەندامی ئەنجومەنی سەرکردایەتیی یەکێتیی نیشتیمانیی کوردستان بە مەودا میدیای راگەیاند "ئەنجومەنی سەرکردایەتی تەنها بۆردی مەکتەبەکانی یەکێتی ماوە کە هەڵبژاردنیان بۆ بکرێت".

لەبارەی کاتی هەڵبژاردنی بۆردی مەکتەبەکانی یەکێتی ناوبراو وتی "جارێ دیار نییە کەی هەڵبژاردنیان بۆ دەکرێت و رەنگە بەهۆی نەخۆشی ڤایرۆسی کۆرۆناوە ئەو بابەتە دوابخرێت".

رزگار حاجی حمە وتیشی "جارێ هیچ کاتێک بۆ کۆبوونەوەی داهاتووی ئەنجومەنی سەرکردایەتیی یەکیێتی دیارینەکراوە".