کوردستانی
یەکێتی و پارتی لەسەر پرسی هەڵبژاردن کۆدەبنەوە
مەودا میدیا - سلێمانی |
مەودا میدیا -
سەرۆکی فراکسیۆنی یەکێتی لە پەرلەمانی کوردستان رایدەگەیەنێت کە یەکێتی و پارتی بۆ گفتوگۆکردن لەسەر هەمواری یاسای هەڵبژاردن و کاردانەوەی کۆمیسیۆنی هەڵبژاردنەکان کۆدەبنەوە.
ئەمڕۆ چوارشەممە 29ی ئازاری 2023 زیاد جەبار، سەرۆکی فراکسیۆنی یەکێتی لە پەرلەمانی کوردستان بە میدیای یەکێتی راگەیاند "لە داهاتوویەکی نزیکدا وابڕیارە یەکێتیی نیشتمانیی کوردستان و پارتی دیموکراتی کوردستان کۆببنەوە لەسەر ئاستی دەزگای هەڵبژاردن و سەۆکی فراکسیۆنەکان".
باسی لەوەشکرد "کۆبوونەوەکە بریتی دەبێت لە تاوتوێکردنی ئەو مادانەی بۆچوونی جیاوازی لەسەرە و هەروەها باسکردنی هەمواری یاسای هەڵبژاردن و کاراکردنەوەی کۆمیسیۆنی هەڵبژاردن".
ئەمە لەکاتێکدایە لە ماوەی پێشوودا دەزگای هەڵبژاردنی یەکێتی و پارتی دوو جار کۆبوونەوە و لەسەر ھەموارکردنەوەی یاسای ھەڵبژاردن و کاراکردنەوەی کۆمیسیۆن ھاوڕابوون.
ر.ع
ر.ع