کوردستانی

لە دوو رۆژی داهاتوودا دەست بە هەناردەکردنی نەوتی هەرێم دەکرێتەوە

مەودا میدیا - سلێمانی |


لە دوو رۆژی داهاتوودا دەست بە هەناردەکردنی نەوتی هەرێم دەکرێتەوە
مەودا میدیا -
 
بەپێی زانیارییەکانی مەودا میدیا لە 48 کاتژمێری داهاتوودا دەست دەکرێتەوە بە هەناردەکردنەوەی نەوتی هەرێمی کوردستان و پۆستی جێگری بەڕێوەبەری کۆمپانیای سۆمۆش دەدرێتە کورد.
 
ئەمڕۆ 1ی نیسانی 2023 میدیا عیراقییەکان لە زاری سەرچاوەیەکی باڵای حکومەتی عیراقەوە رایانگەیاند "حکومەتی عیراق و حکومەتی هەرێمی کوردستان دوێنێ هەینی لە کۆبوونەوەیەکدا، لەسەر شێوازێکی نوێی هەناردەکردنی نەوتی هەرێم رێککەوتن".
 
لە رێککەوتنەکەدا هاتووە "لەنێوان وەزارەتی سامانە سروشتییەکان و کۆمپانیای سۆمۆدا ژوورێکی هاوبەش پێکدەهێندرێت کە ئەرکی ژوورەکە بریتی دەبێت لە فرۆشتنی نەوتی هەرێمی کوردستان و پۆستی جێگری بەڕێوەبەری کۆمپانیای سۆمۆش دەدرێتە کورد".
 
ئەوەشیان خستەڕوو "ئەمشەو یان سبەی نووسراوی رێککەوتن و هەناردەکردنی نەوتی هەرێم لەلایەن هەردوولاوە واژۆدەکرێت، راستەوخۆش دوای واژۆکردنەکە ئاراستەی بەرپرسانی باڵای وڵاتی تورکیا دەکرێت بۆ دەستپێکردنەوەی هەناردەی نەوتی هەرێمی کوردستان و فرۆشتنەوەی".
 
میدیا عیراقییەکان باسیان لەوەشکردووە "هەناردەکردنی نەوتی هەرێمی کوردستان دەستپێدەکاتەوە گەر لەماوەی 48  کاتژمێری داهاتوودا رێککەوتنەکە واژۆبکرێت و تورکیا رەزامەندی بدات لەسەر هەناردەکردنی نەوتی هەرێم".

ر.ع
Qaiwan
Qaiwan

زۆرترین خوێندنەوە

بیروڕا


News

نەرمین عوسمان؛ خەباتگێڕێکی کۆڵنەدەر

لەلایەن هیوا محەمەد


News

گرنگیی ژن لە شوێنی کاردا

لەلایەن نەرمین عوسمان


News

هێرۆخان؛ چاو و ویژدانی شۆڕش

لەلایەن زوڵفان غەریب


News

٨ی مارتی ٢٠٢٤؛ رۆژی وەرچەرخان لە خەباتی ژنان

لەلایەن د.نازەنین عوسمان