کوردستانی
حکومەتی هەرێم هۆشداری دەدات
مەودا میدیا - سلێمانی |
![حکومەتی هەرێم هۆشداری دەدات](/uploads/article/thumbnail/30588/slider_slider_4-2.png)
مەودا میدیا -
فەرمانگەى میدیا و زانیارى حکومەتى هەرێمى کوردستان بەهۆی هاتنی شەپۆلێکی چڕی خۆڵبارینەوە هاوڵاتییان ئاگادار دەکاتەوە لەوەی بۆ کاری زۆر پێویست نەبێت نەچنە دەرەوە و خۆیان بپارێزن.
ئەمڕۆ 1ی نیسانی 2023 فەرمانگەى میدیا و زانیارى حکومەتى هەرێمى کوردستان رایگەیاند "هاوڵاتییانی خۆشەویست ئاگاداردەکەینەوە بەهۆی هاتنی شەپۆلێکی چڕی خۆڵبارینەوە بۆ هەرێمی کوردستان، پێویستە بە تەواوی خۆیان بپارێزن و رەچاوی رێنماییە تەندروستییەکان بکەن".
ئەوەشی خستووەتە ڕوو "هاوڵاتییان پێویستە لەماڵ نەچنە دەرەوە گەر بۆ کاری زۆر پێویست نەبێت و هەرکاتێکیش چوونە دەرەوە ماسک بەکاربهێنن".
فەرمانگەى میدیا و زانیارى چەند خاڵێکی وەک خۆپارێزی بڵاوکردووەتەوە:
-چاویلکە یان قەترەی چاو بەکاربهێنە.
-چاوەکانت بشۆ، بە پەنجە و دەست مەیخورێنە.
-خواردنەوەی ئاو و شلەمەکانییەکان زیاتر بکە.
-دەرگا و پەنجەرەی ماڵەکەت دابخە.
-لە کاتی شوفێریدا جامەکانت دامەگرە و هەواگۆرکێ بەکارمەهێنە.
ر.ع
ر.ع
بیروڕا
![News](/uploads/author/picture/13/resized_IMG-20200119-WA0001.jpg)
![News](/uploads/author/picture/81/resized_3333.png)
![News](/uploads/author/picture/2/resized_%D9%A8.png)
![News](/uploads/author/picture/36/resized_69d6cdd8-2ad4-42e7-8cf3-6791b44b1035.jpg)