مەودا میدیا -

 

بەپێی زانیارییەکانی مەودا میدیا لە دوو رۆژی داهاتوودا رێککەوتنی نێوان هەرێم و بەغدا لەبارەی پرسی نەوت و غازەوە رادەگەیەندرێت.

 

سبەی 3ی نیسانی 2023 شاندێکی حکومەتی هەرێم سەردانی بەغدا دەکات، بەپێی زانیارییەکانی مەودا میدیا ئەو شاندە باس لە لایەنی تەکنیکی سەبارەت بە میکانیزمی رێککەوتنی کۆتایی نێوان هەرێم و بەغدا دەکەن لە بارەی پرسەکانی هەناردەکردنی نەوت و غازی هەرێمی کوردستانەوە".

 

ئەمە لەکاتێکدایە رۆژی شەممەی رابردوو 25ی ئازاری 2023 وەزارەتی سامانە سرووشتییەکانی حکومەتی هەرێم راگەیەندراوێکی بڵاوکردەوە جەختی کردەوە، حکومەتی هەرێم دەستبەرداری مافە دەستورییەکانی گەلی کوردستان نابێت، گفتوگۆکان و دانوستانەکان لەگەڵ حکومەتی فیدراڵی بەردەوامبووە، دواجار لەسەر پرسی نەوت و گاز هەردوولا گیشتنە رێککەوتنی سەرەتایی".

 

هەر لە هەمان رۆژدا 25ی ئازاری 2023 رێباز حەملان، یاریدەدەری سەرۆکی حکومەتی هەرێمی کوردستان بۆ کاروباری دارایی و ئابووری رایگەیاند "مەسرور بارزانی، سەرۆکی حکومەتی هەرێمی کوردستان و محەممەد شیاع سودانی، سەرۆک وەزیرانی عیراق ماوەی چەند کاتژمێرێک بە ئۆنڵاین لەبارەی بڕیارەکەی دادگای فەڕەنساوە گفتوگۆیان کردووە".

ر.ع