مەودا میدیا - رۆژ عەدنان

 

لێپرسراوی پەیوەندییە گشتییەکان و راگەیاندنی فڕۆکەخانەی سلێمانی رایدەگەیەنێت چەند گەشتێکی تورکیا بە هۆکارێکی نەزانراو بۆ مانگی نیسان راگیراوە.

 

ئەمڕۆ دووشەممە 3ی ئازاری 2023 دانا محەمەد سەعید، لێپرسراوی پەیوەندییە گشتییەکان و راگەیاندنی فڕۆکەخانەی سلێمانی بە مەودا میدیای راگەیاند "ئەمڕۆ لە رێگەی ئیمێلێکەوە ئاگادارکراینەوە بە راگرتنی چەند گەشتێکی وڵاتی تورکیا بۆ فڕۆکەخانەی سلێمانی و جەختیشی کردەوە کە هۆکارەکەی نازانین".

 

باسی لەوەشکرد "دوای ئیمێڵەکەی تورکیا لە بەرانبەردا ئێمەش بە ئیمێڵێک وەڵاممان داونەتەوە و چاوەڕێی روونکردنەوەین لەسەر هۆکاری راگرتنی ئەو گەشتانە بۆ شاری سلێمانی".

 

ئەوەشی خستەڕوو "پێشتریش چەند جارێک ئەم بابەتانە روویداوە لەگەڵ وڵاتی تورکیادا و هەر جارێکیش بە هۆکارێکی جیاواز بووە".