مەودا میدیا- سۆزیار سۆران

لە دوای بەرزبوونەوەى بەها دۆلار و دابەزینی دیناری عیراقی و لەگەڵ هاتنی مانگی رەمەزان نرخی زۆربەى شمەک و خواردنەکان لە بازاڕەکاندا بەرزبووەنەوە.

 ئەمڕۆ سێشەممە 4ی نیسانی 2023 سۆران عەبدولغەفور، بەڕێوەبەری چاودێری بازرگانیی سلێمانی بە مەودا میدیا راگەیاند "نرخی شمەک و خواردنەکان  بەبۆنەی هاتنی مانگی رەمەزانەوە هیچ بەرزبوونەوەیەکی بەخۆیەوە نەبینیوە و نرخەکان جێگیرن".

لەبارەی کاریگەری دابەزینی بەهای دۆلار لەسەر نرخی کاڵا و شمەک لە بازاڕەکاندا وتی "لەبەر ئەوەی بەهای دۆلار جێگیر نییە نرخەکان وەک خۆیەتی".

هەروەها سەبارەت بە نرخی گۆشتی سوور ناوبراو روونیکردەوە "نرخی گۆشتی سوور 500 دیناری لێ کەمبووەتەوە لە هەوڵداین نرخەکەی وەک خۆی لێبکەینەوە".

س.ر