مەودا میدیا- سازگار ئەحمەد

بڕیارە ئەمڕۆ هەردوو دەزگای هەڵبژاردنی یەکێتیی نیشتمانیی کوردستان و پارتی دیموکراتی کوردستان لە شاری هەولێر کۆببنەوە و چەند پرسێکی گرنگ تاوتوێ بکەن.

زیاد جەبار، سەرۆکی فراکسیۆنی یەکێتی لە پەرلەمانی کوردستان بە مەودا میدیای راگەیاند "ئەمڕۆ چوارشەممە 5ی نیسانی 2023 هەردوو دەزگای هەڵبژاردنی یەکێتی و پارتی لە هەولێر کۆدەبێتەوە".

ئاماژەی بەوەشکرد "کۆبوونەوەکە تایبەتە بە هەمواری یاسای هەڵبژاردن و کاراکردنەوەی کۆمسیۆن کە پێشتریش گفتوگۆیان لەسەر کراوە و لەسەر ئەو پرسانە لێکتگەیشتنی باش هەیە لەنێوان هەردوولادا".

لەماوەی رابردوودا یەکێتی و پارتی چەندین کۆبوونەوەیان ئەنجام داوە و سەرۆکی فراکسیۆنی یەکێتی وتیشی "کۆبوونەوەکان بەردەوامی دەبێت".


س.ر