کوردستانی
تەنها لە سێ مانگدا 550 دار لە سلێمانی بڕاونەتەوە
مەودا میدیا - سلێمانی |
مەودا میدیا - رۆژ عەدنان
وتەبێژی پۆلیسی دارستانی سلێمانی رایدەگەیەنێت کە لە سێ مانگی زستانی ئەمساڵدا نزیکەی 550 دار بڕاونەتەوە و داری تێدابووە تەمەنی 150 ساڵبووە.
ئەمڕۆ چوارشەممە 5ی نیسانی 2023 ھێمن کەمەرخان، وتەبێژی پۆلیسی دارستانی سلێمانی بە مەودا میدیای راگەیاند "لە سێ مانگی زستاندا لە سنووری 10 قەزا و 24 ناحیەی سلێمانی نزیکەی 550 دار بڕدراونەتەوە".
ئەوەشی خستەڕوو "ئەو دارانەی بڕاونەتەوە تەمەنیان لە نێوان یەک ساڵ بۆ 150 ساڵدایە و دارەکان خۆڕسک بوون، ئەو کەسانەی دارەکانییان بڕیوەتەوە هۆکارەکەیان بۆ نەبوونی نەوت گەڕاندووەتەوە".
وتەبێژی پۆلیسی دارستانی سلێمانی باسی لەوەشکرد "بەهۆی داربڕنەوەوە لە سنووری سلێمانی 33 کەس دەستگیرکراون و رووبەڕووی یاسا کراونەتەوە ".