مەودا میدیا -

 

وتەبێژی بەنزینخانەکانی سلێمانی رایدەگەیەنێت کە نرخی هەرسێ جۆرەکەی بەنزین (نۆرماڵ، موحەسەن، سۆپەر) دادەبەزێت.

 

ئەمڕۆ یەکشەممە 9ی نیسانی 2023 بەهمەن قادر، وتەبێژی بەنزینخانەکانی سلێمانی رایگەیاند "لە دوانیوەڕۆی ئەمڕۆوە، هەرسێ جۆرەکەی بەنزین (نۆرماڵ، موحەسەن، سۆپەر) بە بڕی 25 دینار لە نرخەکەکان دادەبەزێت".

 

ئەوەشی خستەڕوو "زۆربوونی بەنزینی عیراقی 690 دیناری و بەنزینی 800 دیناری وای لە هاوڵاتییان کردووە کە خواستیان لەسەر بەنزینی ئەهلی کەمببێتەوە و کەمتر روو لە کڕینی بکەن".

 

ئاماژەی بەوشکرد "دوای ئەوەی بڕی 25  دینار لە نرخی هەرسێ جۆرەکەی بەنزین کەمبووەوە، نرخەکان بەم جۆرەن (نۆرماڵ 900 دینار، موحەسەن هەزار و 100 دینار، سۆپەر هەزار و 250 دینار)".

ر.ع