مەودا میدیا- سازگار ئەحمەد

بەرەبەیانی ئەمڕۆ لە یەکێک لە کەمپی ئاوارەکانی پارێزگای دهۆک ئاگر کەوتەوە وەک وتەبێژی بەرگریی شارستانی دهۆک دەڵێت "تەنها زیانی مادی هەبووە".

بێوار عەبدولعەزیز، وتەبێژی بەرگریی شارستانیی دهۆک بە مەودا میدیای راگەیاند "بەرەبەیانی ئەمڕۆ سێشەممە 11ی نیسانی 2023 ئاگر لە کەمپی کەبەرتو کەوتەوە و شەش چادر سووتاون".

ئاماژەی بەوەشکرد "رووداوەکە تەنها زیانی مادی هەبووە و هیچ زیانێکی گیانی نەبووە، هەروەها لیژنەیەکیش پێکهێنراوە بۆ لێکۆڵینەوە و زانینی هۆکاری رووداوەکە".

س.ر