مەودا میدیا -

 

بەڕێوەبەرایەتیی هاتوچۆی سلێمانی رایدەگەیەنێت کە ئامادەکاری تەواویان کردووە بۆ هاتنی ئەو شەپۆلە چڕەی بارانبارین کە روو لە ناوچەکانی هەرێم و بەتایبەتی سلێمانی دەکات و جەخت لە هاوڵاتییان دەکاتەوە کە پابەندی رێنماییەکانی هاتوچۆبن. 

 

ئەمڕۆ 11ی نیسانی 2023 بەڕێوەبەرایەتیی هاتوچۆی سلێمانی رایگەیاند "وەک هاتوچۆی سلێمانی ئامادەکاریی تەواومان کردووە بۆ پاراستنی سەروماڵی هاوڵاتییان و شۆفێرانی پارێزگاکە، سەرجەم ئالیەت و مەفرەزەکانی بەڕێوەبەرایەتییەکەمان لە حاڵەتی ئامادەباشیدایە بۆ هەر ئەرکێک لەکاتی پێویستیدا".

 

ئەوەشی خستەڕوو "هاوڵاتییان ئاگادار دەکەینەوە کە پابەندی رێنماییە سەلامەتییەکانی هاتوچۆبن و خۆیان نەخە دۆخێکی مەترسیدارەوە".

ر.ع