مەودا میدیا - 

 

گەردوونناسێکی کورد رایدەگەیەنێت کە هەورێکی سوپەر سێڵ گەیشتووەتە ئاسمانی هەرێم و دابارینێکی ئێجگار زۆری پێوەیە.

 

ئەمڕۆ چوارشەممە 12ی نیسانی 2023 لوقمان حەوێز، گەردوونناس و ئەندامی کۆمەڵەی گەردوونناسانی تەکساس رایگەیاند "ئەو سێڵانەی کە لە باکووری بەغدا درووستبووە، بووەتە سوپەر سێڵ و بەرەو باکووری عیراق هاتووە، لەئێستادا گەیشتووەتە ناوچەکانی گەرمیان و خوارووی کەرکوک و بە خێرایی بەرەو باکووری عیراق و کوردستان بەڕێوەیە ".

 

ئاوەشی خستەڕوو "ئەم هەورە دابارینێکی ئێجگار زۆری پێوەیە و گەر بەردەوامبێت ناوچەکانی هەولێر و سلێمانیش دەگرێتەوە جگە لە گەرمیان و کەرکوک ".

 

باسی لەوەشکردووە "لە هەولێر و لەسەر قەزای خەبات سێڵێکی زۆر بەهێزی باران دروستبووە و بەهەمان ئاراستەی ئەوەی پێشووتر دەچێت، بەردەڕەش و ئاکرێ و دواتر گەر خۆی بگرێت ناوچەکانی باڵەکایەتی دەگرێتەوە ".

ر.ع