مەودا میدیا -

 

بەڕێوەبەرایەتیی هاتوچۆی سلێمانی رایدەگەیەنێت بەهۆی کۆبوونەوەی باراناوەوە لە شەقامی سەرەکیی سلێمانی – تاسڵوجە ئاستەنگی هاتوچۆ دروستبووە.

 

ئەمڕۆ چوارشەممە 12ی نیسانی 2023 بەڕێوەبەرایەتیی هاتوچۆی سلێمانی رایگەیاند "ئاستەنگی هاتوچۆ لە بەشێکی شەقامی سەرەکیی سلێمانی – تاسڵوجە دروستبووە و پێویستە شۆفێران بە وریاییەوە شۆفێری لەسەر ئەم شەقامە بکەن".

 

ئەوەشی خستەڕوو "باشترە هاوڵاتییان شەقامەکە بەکارنەهێنن تاوەکو ئاستی ئاوەکە نزمدەبێتەوە و دۆخەکە ئاسایی دەبێتەوە، لە حاڵەتی پێویستیدا پێویستە بە وریاییەوە شۆفێری بکرێت لەسەر ئەم شەقامە و تا دەتوانن لەو شوێنانەی ئاستی ئاو بەرزە دوربکەونەوە".

 

باسی لەوەشکرد "ئاستی ئاو لەسەر شەقامی سلێمانی – تاسڵوجە و لە نزیک هێزەکانی 70 بەرزبووەتەوە و هاتوچۆ تێیدا دەبێت بە وریاییەوە بکرێت".

ر.ع