مەودا میدیا-

بەڕێوەبەرایەتیی پۆلیسی پارێزگای سلێمانی دەستگیردنی تۆمەتبارێکی راگەیاند كە لە چەند بنكەیەك فەرمانی دەستگیرکردنی هەبووە، بەهۆی ئەوەی فێڵی لە هاوڵاتییان کردووە.

لە راگەیەندراێکدا پۆلیسی سلێمانی رایگەیاند"لە درێژەی كار و چالاكییەكان و گەڕان و بەدواداچوونەكانیان مەفرەزەكانی بەشی پۆلیسی فریاكەوتنی سلێمانی و بنکەی پۆلیسی هەواری شار  تۆمەتبارێكیان دەستگیركرد كە زیاد لە 9 فەرمانی دەستگیركردنی لە چەند بنكەیەك هەبووە بە تۆمەتی قۆڵبڕین و فێڵكردن لە هاوڵاتییان".

ئەوەشخراوەتەڕوو "تۆمەتبار هەستاوە بەفێڵكردن لە هاوڵاتییان و پارەی لێیان وەرگرتووە گوایە دایان دەمەزرێنێت، یان نەوتیان بە هەرزان بۆ وەردەگرێت، لەئێستادا تۆمەتبار (ه، ز ) بە بڕیاری دادوەر و بەپێی مادەی 456 لەیاسای سزادانی عیراقی راگیراوە و لەلایەن بنكەی پۆلیسی هەواری شارەوە پەڕاوی لێكۆڵینەوەی بۆكراوەتەوە".

س،ر