کوردستانی
حکومەتی عیراق بڕیاریدا کە 400 ملیار دینارەکە بۆ هەرێم بنێرێت
مەودا میدیا - سلێمانی |
مەودا میدیا -
ئەنجومەنی وەزیرانی عیراق لە کۆبوونەوەی ئەمڕۆیدا بڕیاریدا 400 ملیار دینارەکە بۆ هەرێمی کوردستان بنێرێت.
ئەمڕۆ سێشەممە 18ی نیسانی 2023 ئەنجومەنی وەزیرانی عیراق کۆبووەوە و بە کۆی دەنگ بڕیاریدا کە بودجەیەک بۆ هەرێمی کوردستان بنێرێت کە بڕەکەی 400 ملیار دینارە.
لە کۆبوونەوەکەدا فوئاد حوسێن، جێگری سەرۆک وەزیران و وەزیری دەرەوەی عیراق پێشنیازی کرد کە بودجەیەک بۆ هەرێمی کوردستان بنێردرێت ئەویش بەهۆی راگرتنی هەناردەکردنی نەوتی هەرێمەوە.
لەدوای ئەمانە، محەمەد شیاع سودانی، سەرۆک وەزیرانی عیراق پێشنیازەکەی فوئاد حوسێنی کردە دەنگدانەوە و بەکۆی دەنگ پەسەندکرا.
بەگوێرەی زانیارییەکانی مەودا میدیا ئەو بڕە پارەیەی حکومەتی عیراقی دەینێرێت بۆ مووچەی فەرمانبەرانی هەرێمی کوردستانە و بڕەکەی 400 ملیار دینارە.
ر.ع
ر.ع
بیروڕا
