مەودا میدیا -

 

بەڕێوەبەرایەتیی هاتوچۆی سلێمانی رایدەگەیەنێت کە ژمارەیەک ئۆتۆمبێل و ماتۆڕسکیلیان دەستگیرکردووە کە هاوڵاتییانیان بێزارکردبوو.

 

ئەمڕۆ 22ی نیسانی 2023 بەڕێوەبەرایەتیی هاتوچۆی سلێمانی رایگەیاند "هەڵمەتێکمان بە هەماهەنگی لەگەڵ قایمقامییەتی سلێمانی و بە هاوبەشی لەگەڵ مەفرەزە تایبەتەکانی ئاسایشی سلێمانی و پۆلیسی فریاکەوتن و لیژنە تایبەتمەندەکانی قائیمقامیەت و بەڕێوەبەرێتیی هاتوچۆی ناوشار ـ رۆژئاوا ئەنجامداوە".

 

ئەوەشی خستەڕوو "لە هەڵمەتەکەدا توانیویانە کۆمەڵێک سەرپێچیکار رووبەڕووی یاسا بکەنەوە و دەستبەسەر کۆمەڵێک ئۆتۆمبێل و ماتۆڕسکیلدا بگرن".

 

باسیلەوەشکردووە "لەم شێوە لێپرسینەوە و هەڵمەتانە بەردەوامدەبێت کە لە هەر جێگایەک کاری نایاسایی تێدا ئەنجامبدرێت".

ر.ع