مەودا میدیا- سازگار ئەحمەد

بەیانیی ئەمڕۆ لە ناوچەی پیشەسازی لە قەزای کەلاری سەر بە ئیدارەی گەرمیان لەکاتی لەحیمکردنی تانکییەکی گازی ئۆتۆمبێل تەقییەوە لە ئەنجامدا کەسێک گیانی لەدەستدا و دوو کەسی دیکەش برینداربوون.

ئیبراهیم محەمەد، بەرپرسی بنكەی بەرگریی شارستانیی كەلار بە مەودا میدیای راگەیاند "بەیانیی ئەمڕۆ دووشەممە 24ی نیسانی 2023 لە ناوچەی پیشەسازی کەلار تانکییەکی گازی ئۆتۆمبێل لەکاتی لەحیمکردنی تەقییەوە لە ئەنجامدا کەسێک گیانی لەدەستدا و دوو کەسی دیکەش برینداربوون، بەڵام برینەکانیان مەترسی نییە".

ئاماژە بەوەشکرد "ئەو کەسەی گیانی لەدەستداوە ناوی (ئاریان ئیبراهیم)ە و لەدایکبووی ساڵی 1994ە، بریندارەکان گواستراونەتەوە بۆ نەخۆشخانە بە مەبەستی وەرگرتنی چارەسەری پێویست".

س.ر