مەودا میدیا-

بەڕێوەبەری نەخۆشخانەی منداڵانی شاری سلێمانی رایدەگەیەنێت پێویست بە دڵەڕواکێ و ترس ناکات نەخۆشیی هەوکردنی پەردەی مێشك چارەسەری هەیە.

د، پشدەر عەبدوڵڵا، بەڕێوەبەری نەخۆشخانەی منداڵانی شاری سلێمانی لە کۆنگرەیەکی رۆژنامەوانیدا  رایگەیاند "نەخۆشیی هەوکردنی پەردەی مێشک نوێ نییە و پێشتر هەبووە، رۆژانە پێنج منداڵ تووشی هەوکردنی پەردەی مێشک دەبن".

ئاماژەی بەوەشکرد "پێویست بە دڵەڕواکێ و ترس ناکات نەخۆشییەکە چارەسەری هەیە و پەتایەکی ڤایرۆسییە و چارەسەر دەکرێت، دەرمانی پێویستیش هەیە".

بەڕێوەبەری نەخۆشخانەی منداڵانی شاری سلێمانی وتیشی "هیچ منداڵێک بەهۆی نەخۆشی هەوکردنی پەردەی مێشکەوە گیانی لەدەستنەداوە".

س.ر