گێتی
کوردێک بووە پارێزگاری شارۆچکەیەکی لەندەن
مەودا میدیا - سلێمانی |
مەودا میدیا -
سەرباز بەرزنجی گەنجێکی کوردە و بۆیەکەمین جار پۆستێکی باڵای لە وڵاتی بەریتانیا وەرگرتووە کە ئەویش پارێزگاری شارۆچکەی لامبێسە لە لەندەن.
گەنجێکی کورد بەناوی سەرباز بەرزنجی بۆ یەکەمین جار پۆستی پارێزگاری ناوچەی لامبێسی وەرگرت و سوێندی یاسایی بە هەریەک لە زمانەکانی کوردی و ئینگلیزی خوارد.
ئەمە لەکاتێکدایە، ساڵی رابردوو و لە رۆکی 6ی ئایاردا سەرباز عەلی بەرزنجی لە شاری لەندەن لە هەڵبژاردنە ناوخۆییەکانی بەریتانیادا بۆ شارەوانییەکان سەرکەوتنی بەدەستهێنا.
سەرباز عەلی بەرزنجی خەڵکی گوندی مەمەنداوە لە ناحیەی بنگرد و ماوەی نزیکەی 20 ساڵە لە وڵاتی بەریتانیا دەژی، بڕوانامەی دکتۆرای هەیە لە ئەندازیاریی بیناسازیدا و مامۆستایە لە زانکۆی لەندەن.
ئەو شارۆچکەیەی ئەم گەنجە کوردە بووەتە پارێزگاری ناوی لامبێسە و ژمارەی دانیشتووانەکەی 328 هەزار و 244 کەسە، بە پێی دوایین ئاماری ساڵی 2019، رووبەرەکەشی 26 کیلۆمەترە و کەوتووەتە باشووری لەندەنەوە.
ر.ع
ر.ع
بیروڕا
